سیرتِ سیدنا عثمان غنی رضی اللہ عنہ

📚 *فکر رضا کا خراجِ عقیدت:*
📱 موبائل: *00971-559060076*
☢ قسط 3⃣
===========================
💠 *پیکر شرم و حیاء*

☪ حضرت سیدنا عبداللہ بن عمر رضی اللہ تعالٰی عنهما سے مروی، حضور جان نور صلی اللہ تعالیٰ علیہ والہ وسلم نے ارشاد فرمایا، میری امت میں سب سے زیادہ باحیا انسان عثمان بن عفان رضی اللہ تعالٰی عنہ ہے

📒 *( المستدرک، کتاب معرفتہ الصحابہ)*

☪ ام المومنین سیدہ صدیقہ رضی اللہ تعالٰی عنها سے مروی،  حضور جان عالم صلی اللہ تعالیٰ علیہ والہ وسلم کاشانہ اقدس میں  رونق افروز تهے، مبارک پنڈلیاں منکشف تهیں ،حضرت صدیق اکبر رضی اللہ تعالٰی عنہ حاضر بارگاہ ہوئے اور حاضری کی اجازت چاہی، سرکار کریم صلی اللہ تعالیٰ علیہ والہ وسلم نے اذن بخشا اور اسی حالت (کہ مبارک پنڈلیاں منکشف تهیں) میں جلوہ گر رہے، پهر سیدنا فاروق اعظم رضی اللہ تعالٰی عنہ نے حاضری کی اجازت چاہی، انہیں بهی شرف باریابی عطا ہوا اور اسی حالت میں رونق افروز رہے،
پهر حضرت عثمان رضی اللہ تعالٰی عنہ حاضر ہوئے اور اجازت طلب کی تو رسول کریم صلی اللہ تعالیٰ علیہ والہ وسلم بیٹھ گئےاور لباس اطہر کو درستگی بخشی- سیدہ صدیقہ رضی اللہ تعالٰی عنها نے عرض کی کہ صدیق و فاروق رضی اللہ تعالٰی عنهما حاضر ہوئے آپ اسی طرح قدم دراز فرما رہے مگر حضرت عثمان کی آمد پر یہ اہتمام؟ فرمایا کیا میں اس شخص سے حیا نہ کروں جس سے فرشتے بهی حیا کرتے ہیں

📓 ( صحیح مسلم ، کتاب فضائل الصحابہ)

☪ آپ دوران غسل بند کمرے میں بهی ستر ڈهانپ کے رکهتے اورحیا کے سبب کمر سیدهی نہ کرتے

📗 (حلیتہ الاولیاء و طبقات الاصفیا، تاریخ الخلفاء)

✨ *جو دل کو ضیا دے جو مقدر کو جلا دے*
✨ *وہ جلوہ دیدار ہے عثمان غنی کا*

💫 *دل سوختو ہمت جگر اب ہوتے ہیں ٹهنڈے*
💫 *وہ سایہ  دیوار  ہے عثمان غنی کا*

🖍 کلام:
*استاد زمن، علامہ حسن رضا خان قادری برکاتی بریلوی*
(رحمتہ اللہ علیہ)

💠 *ذوق عبادت*

☪ سیدنا عثمان غنی رضی اللہ تعالٰی عنہ ہمیشہ روزہ رکهتے اور ابتدائی رات میں کچھ آرام کرکے پهر ساری رات عبادت میں بسر کرتے-آپ کی زوجہ مکرمہ رضی اللہ تعالٰی عنها فرماتی ہیں: جب حضرت عثمان غنی رضی اللہ تعالٰی عنہ کو شہید کرنے کے ارادے سے دشمنوں نے گهر کو گهیرا ہوا تها آپ اس وقت بهی اس سے بے نیاز تهے کہ لوگ انہیں شہید کردیں یا چهوڑ دیں- آپ ساری رات عبادت کرتے اور ایک ہی رکعت میں پورا قران مجید ختم کرلیا کرتے تهے.

☪ حضرت سیدنا انس بن مالک رضی اللہ تعالٰی عنہ سے مروی ہے کہ جب امیر المومنین سیدنا عثمان غنی رضی اللہ تعالٰی عنہ کو شہید کیا گیا تو آپ کی زوجہ محترمہ نے قاتلوں سے فرمایا: تم نے اس شخص کو شہید کیا جو ساری رات عبادت کرتے اور ایک رکعت میں قرآن مجید ختم کرتے تهے.

📘 ( حلیتہ الاولیاء و طبقات الاصفیا، جلد 1 صفحہ 132)

🛡 *زاہدِ    مسجدِ    احمدی    پر    درود*
🛡 *دولتِ جیشِ عسرت پہ لاکھوں سلام*

🖍 کلام:
*امام اہل سنت، محبِّ سادات، امام احمد رضا قادری برکاتی*
(رحمتہ اللہ علیہ)
=============================
🖊 رشحاتِ قلم:
حضور "امین فکر رضا"
*حضرت علامہ محمد حامد سرفراز قادری رضوی*
(مدظلہ  النوراني)

📚 *فکر رضا* 🖊
_برًّصغیر و عرب تعاون ٹیم کی کارکردگی !_
موبائل: *00971-559060076*
***************************
💻 *فکر رضا فیس بوک:*
https://m.facebook.com/Fikr.E.Raza.Page/

🖥 *فکر رضا بلاگ:*
fikrerazafoundation.blogspot.com

📚 *فکر رضا مکتبہ (اسلامی کتب):*
http://alansarlibrary.blogspot.in/