سیرتِ سیدنا عثمان غنی رضی اللہ عنہ

📚 *فکر رضا کا خراجِ عقیدت:*
📱 موبائل: *00971-559060076*
☢ قسط 4⃣
===========================
💠 *شان سخاوت*

☪ سرورِ عالم صلی اللہ تعالیٰ علیہ والہ وسلم نے غزوہ تبوک کے موقع پر لوگوں کو راہ خدا میں مال خرچ کرنے کی ترغیب دلائی تو امیرالمومنین سیدنا عثمان غنی رضی اللہ تعالٰی عنہ نے عرض کی: میں نے سو اونٹ بمع ساز وسامان راہ خدا میں دئیے.
حضور صلی اللہ تعالیٰ علیہ والہ وسلم نے دوبارہ ترغیب دلائی تو حضرت غنی رضی اللہ تعالٰی عنہ نے عرض کی:
مزید سو (100) اونٹ بمع سامان کے پیش کرتا ہوں-سرکار دو عالم صلی اللہ تعالیٰ علیہ والہ وسلم نے تیسری بار پهر لوگوں کو ترغیب دلائی تو سیدنا عثمان غنی رضی اللہ تعالٰی عنہ نے پهر عرض کی: میں سازوسامان کے ساتھ   سو اونٹ اور راہ خدا میں پیش کرتا ہوں-راوی بیان کرتے ہیں ، کہ میں نے حضورِ اقدس صلی اللہ تعالیٰ علیہ والہ وسلم کو دیکها کہ آپ ہاتھ ہلاتے ہوئے ارشاد فرمارہے ہیں: آج کے بعد عثمان کو کوئی عمل نقصان نہیں دے گا

📘 *(ترمذی، ابواب المناقب- مشکوتہ باب مناقب عثمان غنی رضی اللہ تعالٰی عنہ، فصل ثانی)*

☪ حکیم الامت مفتی احمد یار خان نعیمی رحمتہ اللہ علیہ اس حدیث پاک کے تحت فرماتے ہیں: خیال رہے کہ یہ تو ان  (سیدنا عثمان غنی رضی اللہ تعالٰی عنہ) کا اعلان تها مگر حاضر کرنے کے وقت  نو سو پچاس اونٹ،  پچاس گهوڑے، اور ایک ہزار اشرفیاں پیش کیں پهر بعد میں دس ہزار اشرفیاں اور (مزید) پیش کیں

📗 *( مراءتہ المناجیع، جلد 8 صفحہ 395)*

☪ دس ہزار اشرفیوں والی روایت سیدی امام اهلسنت رحمتہ اللہ علیہ کے قلم سے ملاحظہ فرمائیں:
جب حضور اقدس صلی اللہ تعالیٰ علیہ والہ وسلم نے غزوہ تبوک کےلئے لشکر اسلام کو تیاری کا حکم دیا مسلمانوں پر بہت حالت تنگی و عسرت تهی اس باب میں حضور اقدس صلی اللہ تعالیٰ علیہ والہ وسلم نے امیرالمومنین عثمان رضی اللہ تعالٰی عنہ سے استعانت فرمائی ان سے مدد چاہی، ذوالنورین رضی اللہ تعالٰی عنہ نے دس ہزار اشرفیاں حاضر کیں  حضور پر نور صلی اللہ تعالیٰ علیہ والہ وسلم نے فرمایا: اے عثمان ! اللہ تیری چهپی اور ظاہر خطائیں اور آج سے قیامت تک جو کچھ تجھ سے واقع ہو سب کی مغفرت فرمائے،  اس کے بعد عثمان کو کچھ پرواہ نہیں کوئی عمل کرے- ابن عدی والدارقطنی و ابو نعیم فی فضائل الصحابہ رضی اللہ تعالٰی عنهم عن حذیفہ بن الیمان رضی اللہ تعالٰی عنهما

📙 *(الامن والعلی، فتاویٰ رضویہ جلد30 صفحہ 613)*

☄اللہ سے کیا پیار ہے عثمان غنی کا
☄محبوب خدا یار ہے عثمان غنی کا

☄سرکار سے پائینگے مرادوں پہ مرادیں
☄دربار  یہ در بار ہے عثمان غنی کا

📕 *( کلامِ استاد زمن، علامہ حسن رضا قادری برکاتی بریلوی رحمتہ اللہ علیہ)*
=============================
🖊 رشحاتِ قلم:
حضور "امین فکر رضا"
*حضرت علامہ محمد حامد سرفراز قادری رضوی*
(مدظلہ  النوراني)

📚 *فکر رضا* 🖊
_برًّصغیر و عرب تعاون ٹیم کی کارکردگی !_
موبائل: *00971-559060076*
***************************
💻 *فکر رضا فیس بوک:*
https://m.facebook.com/Fikr.E.Raza.Page/

🖥 *فکر رضا بلاگ:*
fikrerazafoundation.blogspot.com

📚 *فکر رضا مکتبہ (اسلامی کتب):*
http://alansarlibrary.blogspot.in/